Igitangaza muri Thailand: Ba bana bose n’umutoza wabo bakuwe mu buvumo

20 10-07-2018 - saa 15:50, Mugabo Jean d'Amour

Abana bane n’umutoza wabo bari basigaye mu buvumo bwa Tham Luang mu gihugu cya Thailand bamaze gukurwamo kuri uyu wa Kabiri nyuma y’uko abandi umunani bari bamaze gukurwamo ejo ku wa Mbere.

Ni nyuma y’iminsi igera kuri 18 abana b’abahungu 12 n’umutoza w’ikipe y’umupira w’amaguru yitwa ‘Moo Pa’ batunguriwe n’umwuzure mu buvumo ubwo babutemberagamo ku wa 23 Kamena maze amazi agafunga inzira yo gusokeramo, bagashaka agace gato ko kwikingamo amazi yakomezaga kwiyongeranya ubutitsa.

Ugukurwamo k’umwana wa 12 n’umutoza byashyize iherezo ku gikorwa cy’ubutabazi bwo mu rwego rwo hejuru cyari cyimaze iminsi itatu cyarahuruje abahanga mu koga n’abandi batabazi.

Ibyatangiye ari igikorwa cyoroheje cyo gushakisha abantu 13 bari baburirwe irengero byaje kuba ikibazo cy’ingutu cyahuruje inararibonye mu gukora ubutabazi bwo mazi batangiye kwerekeza muri Thailand baturutse hirya no hino ku isi.

CNN yatangaje ko ababyeyi b’aba bana bari bamaze iminsi myinshi hanze y’ubuvumo bari mu cyunamo kandi basengera ko abana babo bazasoka mu buvumo ari bazima.

Aba bana binjiye mu buvumo ubwo bari barangije gukina bakajya gutembera maze hakagwa imvura nyinshi iteza imyuzure baheramo.

Ku wa Mbere saa yine z’ijoro nibwo itsinda ry’abatabazi 19 ryinjiye mu buvumo rigiye kuzana bariya batanu ndetse n’abandi bantu batatu babitagaho kuva mu cyumweru gishize ubwo babashaga kumenya igice baherereyemo neza.

Narongsak Osotthanakorn wahoze ari Guverineri w’Intara ya Chiang Rai, akaba ari na we wari uyoboye ibikorwa by’ubutabazi yari yabwiye ibitangazamakuru bitandukanye ko bafite icyizere ko bariya bari basigayemo bagombaga gukurwamo uyu munsi.

Ni mu gihe abana umunani bakuwemo mbere bakomeje kwitabwaho mu bitaro bya Chiang Rai, abaganga bemeje ko bameze neza kandi babiri bari bagaragaje uburwayi batangiye koroherwa.

Itsinda ry’ubutabazi ryari ryabanje gutangaza ko aba bana n’umutoza wabo bashoboraga kumara mu buvumo amezi agera kuri ane bagemurirwa ibiribwa n’umwuka wo guhumeka kugira ngo umwuzure uzabanze ushire babone gusoka ariko abatabazi baje kotswa igitutu n’imvura ikomeje kugwa ari nyinshi batangira kugira impungenge ko ishobora gutuma ubu buvumo bwuzura, amazi akagera n’aho bariya bana bari bikinze, bituma batangira gukora mu buryo budasanzwe mu minsi itatu ishize.

Hari hashize iminsi abahanga mu koga binjiye mu buvumo gutabara aba bana
Abana bari basigaye mu buvumo nabo batabawe
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2  

1
Samuel 2018-07-12 06:19:59

Nshimiye cyane bariya batabazi bitanze bakiroha muri uriya mwuzure ngo batabare biriya bibondo. Imana ibahe umugisha.

2
jeanne 2018-07-11 14:16:56

YAWEEEE UGIRA NEZAAA ; IBYO UKORA BIRAHAMBAYEE BARI BARAKUMBWIYE NONE NDAKUBONYE URI YAWEEEE YAWEEE URI YAWEEE !!! IMANA NI IMANA NTA KIYINANIRA C’EST TOUT . ABABYEMERA MURUSHEHO ; ABATABYEMERA POLE MWARASAHUWEEEE. HABWA ICYUBAHIRO AMASHIMWE NIKUZO IBIHE BYOSE DATA !

3
Byishimo 2018-07-11 11:11:45

Ni byiza cyane pe, ntawutakwishima, bigaragaza ko Imana ntaho itagukura. Nubwo tutabazi ariko iyi nkuri irashimishije

4
Mudaheranwa pascal 2018-07-11 10:11:33

Imana ishimwe yatabaye bariya bana bakarokoka muri buriya buvumo

5
BIZIMANA 2018-07-11 05:10:44

Uwiteka Nyiringabo ahabwe icyubahiro ikuzo n’ishimwe mu izina rya Yesu kuba aba bana n’umutoza wabo bavuye muri ubu buvumo ari bazima kandi Uwiteka Nyiringabo ahe umugisha buri wese witanze Kuri iki gikorwa muburyo ubwo ari bwose kugirango babe bavuyemo amahoro

6
kigabo 2018-07-11 02:13:42

AMENA IMANA ISHIMWE CYANE KUBONA BAROKOKA URUPFU.

7
LUC IHABWICYUBAHIRO 2018-07-11 01:16:23

IMANA IHABWE ICYUBAHIRO pee, jye byari byandenze nkirinda gukomeza gusoma iyinkuru kuko byanteraga umubabaro nubwoba ariko nkakomeza gusaba Imana ngo igire icyo ikora none Imana ishimwe kubwuhanga yahaye aba bantu bakabasha kubakuramo.Halleluaya

8
Jabo 2018-07-11 00:58:22

IMANA Ishimwe ntacyinanira IMANA Iyo yavuze Oya ni Oya yavuga Yego ni Yego.

9
umusomyi 2018-07-10 14:45:16

Please Lord! Jehovah

10
mmc 2018-07-10 14:32:55

Yoooo. Mana Nyagasani. Uwiteka Mana ishobora byose, wowe utagira ikikunanira. sinabona amaganbo nkoresha ngo ngushimire Mana. Ariko wumve ko ngushimiye n’umutima uciye bugufi kdi ukubashye. Urakoze gutabara aba bana, urakoze Mana.j

Paji: 1 | 2  

Kwamamaza