Perezida Kagame yashimiye Kenyatta wongeye gutorerwa kuyobora Kenya

5 12-08-2017 - saa 08:30, Jean Pierre Tuyisenge

Perezida Paul Kagame yashimiye Uhuru Kenyatta ku bw’intsinzi mu matora y’umukuru w’igihugu yabaye ku wa 8 Kanama 2017, yatsinzemo abarimo Raila Odinga wari ku isonga mu bo bari bahanganye.

Mu butumwa bushimira yanyujije kuri Twitter, Perezida Kagame yavuze ko yamushimiye icyizere abaturage bo muri icyo gihugu bamugiriye kandi bazakomeza ubufatanye.

Yagize ati “ Ndagushimiye Kenyatta ku bw’imigendekere myiza y’amatora n’icyizere Abanya-Kenya bakugiriye, dukomeze kubaka ubumwe n’iterambere ry’ibihugu byacu n’Umuryango wacu.”

Perezida Kagame ashimiye Kenyatta ku bw’intsinzi nyuma y’uko ubwo yatsindaga amatora yo ku wa 3-4 Kanama 2017, Perezida Kenyatta yabaye umukuru w’igihugu wa mbere wamushimiye iyo ntsinzi.

Uhuru Kenyatta atorewe kuyobora manda ya kabiri nyuma yo gutorwa n’abaturage bagera kuri 8, 203, 290 bangana na 54.2%, mu gihe uwo bari bahanganye wo mu ihuriro ry’amashyaka ya National Super Alliance, Raila Odinga, yatowe n’abaturage 6,762,224 bangana na 44%.

Perezida Kagame yashimiye Uhuru Kenyatta watorewe kuyobora Kenya mu myaka itanu iri imbere
Perezida Kagame na mugenzi we wa Kenya ubwo bahuriraga mu nama mpuzamahanga ku buhinzi yabereye muri Kenya umwaka ushize
Kwamamaza
Kwamamaza

Izindi nkuru wasoma

570 0 5-06-2018
671 0 5-06-2018
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
kotaniro 2017-08-13 04:45:14

Idumu jumuhiya yafrica mashariki EAC

2
Simbi 2017-08-13 02:00:02

54% ! Mbega we !

3
Alphonse 2017-08-12 23:31:13

IMANA ISHIMWE KANDI IKOMEZE KUTURINDA TURANGIZE URUGENDO TWATANGIYE

4
Franco Ben 2017-08-12 02:43:53

Nyakubahwa HE PK wakoze gushimira Kenyata ku bw’insinzi ye ku mwanya wa President wa Kenya. Tukuri inyuma mu guteza imbere ubufatanye bw’ibihugu byombi. Abaturage b’ibihugu byacu byombi babanye neza nta rwikekwe, turahana abageni, ishoramari rirarimbanyije, .....Ibi biraduha ikizere ko n’abagitseta ibirenge mu guteza imbere business n’izindi guhunda muri EAC bazigana urugero rwanyu maze tugatura tugatunganirwa. Imana izabidufashemo.

5
baptiste 2017-08-12 02:37:08

nibyiza ko namahanga atureberaho

Kwamamaza