Kabila yahaye akazi Amb. Eugene Gasana ko kumuhungishiriza imitungo yanyereje muri Congo

46 12-08-2017 - saa 15:50, IGIHE

Perezida wa Repubulika Iharanira Demokarasi ya Congo, Joseph Kabila, yahaye Amb. Eugene Gasana inshingano zo kumufasha guhungisha imitungo yanyereje mu gihugu cye.

Eugene Gasana wabaye Ambasaderi w’u Rwanda muri Loni kuva mu 2012 yaje guhagarikwa ku nshingano ze na Perezida Kagame nyuma y’imyitwarire mibi irimo no gukorana na Kabila.

Ubucukumbuzi bwakozwe n’ibinyamakuru mpuzamahanga birimo Le Monde, Le Soir n’ibindi byagaragaje ko imikoranire ya Gasana na Kabila imaze gutahurwa, iri mu byatumye ahamagazwa mu Rwanda nubwo byarangiye atagarutse.

Inshingano za Ambasaderi Gasana zahawe Rugwabiza Valentine wahoze ari Minisitiri ushinzwe ibikorwa by’Umuryango wa Afurika y’Iburasirazuba, bikaba byarabaye muri Gicurasi umwaka ushize.

Impamvu Kabila yatangiye guhungisha imitungo ye n’ibyegera bye bashinjwa kunyereza mu myaka amaze ku butegetsi, ni ukubera impungenge aterwa n’uko mu gihe cya vuba bushobora kumuca mu myanya y’intoki mu gihe yaba atemerewe kongera kwiyamamaza mu matora ateganyijwe mu mpera z’uyu mwaka nk’uko icukumbura ry’ibi binyamakuru rikomeza ribisobanura.

Inkuru ya Mediapart ivuga ko Ambasaderi Gasana yakoreshaga uburyo butandukanye akavana amafaranga yanyerejwe na Kabila muri RDC akayajyana mu bigo mpuzamahanga by’imari aho miliyoni 50 z’amadolari zanyerejwe ku ikubitiro ibikorwa bikaza gukomeza nyuma.

Kabila n’umuryango we kandi bashinjwa kuba ari bo bagenzura banki zo mu gihugu zirimo BGFI, BCDC, BIAC n’izindi.

Kabila yahuriye na Gasana i Kinshasa abifashijwemo na Kalev Mutond, Umuyobozi w’urwego rushinzwe iperereza muri Repubulika Iharanira Demokarasi ya Congo.

Iby’ubusahuzi bw’umutungo muri RDC byanagarutsweho na Bloomberg na ‘Panama Papers’ mu nyandiko zashyizwe hanze umwaka ushize zivuga ku mayeri abakuru b’ibihugu bakoresha bigwizaho imitungo.

Perezida Kabila yagiye ku butegetsi mu 2001 asimbuye se Laurent-Désiré Kabila wari umaze kwicwa, ariko hakurikijwe Itegeko Nshinga icyo gihugu kigenderaho kuva muri 2006, amaze kuzuza manda ebyiri yemererwa na ryo bityo bivuga ko atemerewe kongera kwiyamamaza mu matora ateganyijwe.

Kwamamaza
Kwamamaza

Izindi nkuru wasoma

570 0 5-06-2018
671 0 5-06-2018
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2 | 3 | 4 | 5  

1
Gahima Peter 2017-08-17 08:49:34

Eugene GASANA ntabwo akiri Ambasaderi1
Ariko se mwebwe mupfa kwandika ibyo mwiboneye, kugeza no ku mutwe w’inkuru (titre). Ni gihe ki umuntu yitwa Ambasaderi? Ubu se na Eugene GASANA umaze umwaka urenga atakiri Ambasaderi kandi yaravuyeho mu buryo mwari mukwiye kuba muzi, muracyamwita Ambasaderi na we? Ndatekereza ko no kwandika bisaba ubushishozi, atari ugupfa kwiyandikira ibyo ubonye. Njya numva hari n’abandi bahoze ari ba Ambasaderi ubu bari mu nzego zitandukanye z’ubuyobozi mugiha icyo cyubahiro kandi ntaho bahuriye n’ububanyi n’amahanga (dipolomasi). Byenda gusetsa...

2
yagarutse 2017-08-14 18:24:56

(muti yahamagajwe mu Rwanda nubwo byarangiye atagarutse. mu Rwanda ni hafi ya Congo ubwo nyine bazamufate bamugarure mu Rwanda!)

3
nyundo 2017-08-14 13:29:55

Ugir’amahirwe abona umwizera,ikibi nuguhemuka.

4
Emma 2017-08-14 13:27:10

Aka kazi se hari uwaba agashoboye bakamuha akakanga? Harya ubu na we yafatwa nk’uwibye (nk’icyitso)? Nimumuhe akabanga yirire ku mari ya Kongo si uwa mbere si n’uwa nyuma.

5
mami 2017-08-14 12:24:41

Umunyarwanda afite uburenganzira bwo gukora aho ashatse n’umurimo yihitiyemo. Mugabanye amagambo rero. Ikindi kwibasira umukuru w’igihugu mukamushinja gusahura igihugu cye nta rukiko rwamuhamije icyo cyaha bigaragaza ubunyamwuga bucagase. Biragayitse.

6
richard 2017-08-14 07:28:12

itiku.com , iyi nkuru ndabona ntacyo itwunguye uretse gushyushya imitwe . ese kuku batamubajije ngo bumvu icyo abivugaho.

7
Mico 2017-08-14 07:00:13

Have sha u Rwanda rutivugiye hakirikare amahanga yazavugako umunyarwanda umwe ibyo akora ari rwo rwamutumye

8
kalisa 2017-08-14 02:21:16

Good! Ndabona Gasana agiye gukizwa no kuba inararibonye mu guhisha imitungo. Abaye inararihishe.

9
Philibert Muzima 2017-08-13 18:46:31

Ubeho Kabila yahanze umutipe ubifitemo uburambe n’ubunararibonye. Imitungo buriya yahungishije myinshi, kandi nabwo yasahuwe Congo! Ujya guhima igisambo arakibikiza. CQFD!

10
Bonana christian 2017-08-13 15:17:31

Jyewe simbona ikibazo aho kiri ni.byiza ubwo yongeye kwizerwa félicitations mister Gasana

Paji: 1 | 2 | 3 | 4 | 5  

Kwamamaza