IGIHE

Ifoto y’umunsi: Umugati wifashishwa mu kuyobora imodoka

6 10-01-2019 - saa 08:05, IGIHE

Ubusanzwe ahantu hari gukorwa umuhanda, haba hari abayobora ibinyabiziga ku buryo ibikorwa bikomeza kandi n’ingendo ntizibangamirwe.

Aba bayobora ibinyabiziga aba ari abakozi ba sosiyete iri mu bwubatsi. Bahagarara imbere y’ahari imashini ziri gukora ku buryo mu gihe hari nk’iyitambitse mu muhanda, imodoka zifungirwa kure ikabanza ikarangiza akazi kayo hanyuma zikabona gutambuka.

Abashinzwe kuziyobora baba bavugana ku cyombo n’abegereye neza imashini ziri mu mirimo, hanyuma bagaha amabwiriza abashoferi yo kugenda cyangwa guhagarara.

Muri icyo gikorwa, bifashisha utubendera turiho amabara y’ibirango byo mu muhanda. Kamwe k’umutuku kabuza ibinyabiziga gutambuka n’ak’icyatsi kabiha uburenganzira bwo kugenda.

Mu Karere ka Gicumbi, kuri uyu wa Gatatu ahagana saa sita z’amanywa, umufotozi wa IGIHE yabashije kubona umwe mu bakobwa bakora aka kazi mu buryo bwihariye.

Yari afite utubendera dukoreshwa ariko birashoboka ko amasaha yo gufungura yari ageze. Aho kuzamura akabendera, we yifashishije umugati yari afite mu ntoki.

Uyu mukobwa aho kuzamura akadarapo yaribeshye akoresha umugati
Yazamuye umugati mu mwanya w'akadarapo gahagarika imodoka ahari gukorwa umuhanda ugana i Gicumbi mu Mujyi akubitanye amaso na gafotozi araseka

Amafoto: Ntare Julius

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
EL 2019-03-09 09:17:23

uyu gafotozi nawe ahora aregeye kbs
mumwongeze cash

2
lg 2019-03-08 08:27:56

Uyu mukobwa yabikoze abishaka ashaka gusetsa, abagenzi

3
munyentwari jmv 2019-03-05 05:58:50

haaa uyumukobwa asetsa cyanepeee!!!

4
Gustave 2019-01-10 19:25:00

Gusa .demeramywa n’uvuze amerwe ariko nanone harisasita gusa ashobrakuba yarazineza icyo akoze kuko urebye ifoto ntakwibeshya kumuri mumaso. Ikindi urwo ruganda rukora uwomugati ntazi rwa byungukiyemo mwibukeko amatangazo yamamaza ajyamo kurayo magingo

5
Safari Benoit 2019-01-10 09:51:07

Biragaragara ko badahabwa umwanya uhagije wo kwica isari. Iyi company ikwiye kwegerwa ikagirwa inama ku kubahiriza uburenganzira bw’abakozi, harimo no guhabwa umwanya wo kuruhuka. Muri icyo kiruhuko nimo uyu mwari yagomabaga gufatira kuri uyu mugati yahagarikishije imodoka.
Bisubireho kbs.

6
KAKA 2019-01-10 08:41:40

DORE AMERWE NANJYE NKABA UMUNTU

Kwamamaza