IGIHE

Mukangwije wabaye Miss Elegancy mu 2018 yavuze ku musore bakundanye nyuma yo kwambikwa ikamba

1 14-06-2019 - saa 18:47, Philbert Girinema

Mukangwije Rosine yambitswe ikamba rya Nyampinga w’igishongore mu Rwanda [Miss Elegancy Rwanda 2018] tariki 08 Nzeri 2018, naho Niyirora Divic atorwa nk’umusore wahize abandi [Mister Elegancy].

Bari basimbuye abari baratowe ku nshuro ya mbere mu 2016. Nyuma yo gutorwa abatsinze mu irushanwa rya Miss & Mr Elegancy Rwanda ntabwo bakunze kugaragara haba mu bikorwa bijyanye n’imishinga yabo cyangwa ibindi binyuranye.

IGIHE yagiranye ikiganiro na Miss Mukangwije Rosine ahishura byinshi ku buzima bwite.

Ni umukobwa w’isura y’umwimerere itaganjwe n’ibirungo, afite imisatsi y’imikorano ku mutwe ndetse ni umuntu ukunda kuganira aseka.

Yivuga nk’umukobwa w’imyaka 19 uvuka mu muryango w’abana bane akaba uwa gatatu. Ni umukobwa urwana ishyaka cyane, uharanira kwihesha agaciro akagahesha n’igihugu cye.

Izina Mukangwije arikomora kuri nyirakuru ndetse ngo abantu baryitwa baba ari abarwanashyaka. Avuga ko umubyeyi we akunze kumubwira ko ‘izina ari ryo muntu’.

Ati “Ni abantu bakunda gukora, nkeka ko mama yari mu gihe kijyanye n’izina yanyise, kuko akenshi inshuro nakunze kumubaza yakunze kugenda ambwira ko imyitwarire yanjye n’uwo ndiwe bisobanura izina ryanjye.”
Avuga ko umuntu afatiraho urugero ari nyina ndetse ikintu kimushimisha ari ukubona yishimye bitewe n’uko agenda asatira gusohoza inzozi.

Mukangwije ntiyifuza gukorera abandi ahubwo intego ye ni ukuzatanga imirimo akubaka ivuriro n’ishuri.

Aguwe neza mu rukundo

Nyuma yo gutorwa nka Miss Elegancy Rwanda mu 2018, uyu mukobwa yabonye umugisha wigereka ku wundi, ahura n’umusore umukunda bidasanzwe.

Yirinze kuvuga imyirondoro ye kuko ataramuha uburenganzira bwo kumutangaza ariko yaduhishuriye ibindi bireba urukundo rwabo.

Iyo ubajije Mukangwije ikintu cyakuruye uyu musore kugeza n’aho biyemeje gukundana, avuga ko nawe ntacyo azi.

Ati “Iyo mbimubajije arambwira ngo ujye ureba wisubize. Ajya ambwira ngo ntabwo nagukurikiyeho amafaranga kuko ntuyandusha, nta n’ubwo nagukurikiyeho ubwiza bugaragara ku isura kuko hari abakobwa benshi bashobora kuba babukurusha.”

Icyatumye amwiyegurira

Miss Mukangwije agaragaza umukunzi we nk’umusore umwitaho cyane ari nayo mpamvu yarushijeho kumukunda.

Ati “Ampa umwanya, igihe cyose mukeneye arahaba, iyo mfite ikibazo ndamubona, iyo mugishije inama ndamubona, rero umuntu uguha ibyo byose kuko nibyo bya mbere, mba numva ntacyo namunganya.”

Yifuza ko bazarambana, bakagira umuryango mugari, Imana yabafasha bakabyara impanga.

Afite umusore umuhata urukundo rudasanzwe
Mukangwije Rosine ufite ikamba rya Miss Elegancy Rwanda mu 2018
Mukangwije yambitswe ikamba na Umutoni Nasra watowe mu 2016
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
muzigirwa Richard 2019-06-14 17:46:42

je pensé que ce très normale d être en amoureux avec quelque où bien quelqu’un gusa nibashinge urugo nama company baduhe imirimo nabyo nibyiza naho stories nkizo its unwanted nowadays

Kwamamaza