IGIHE

Ibinezaneza kuri Mimi udamarariye mu rukundo ahatwa na Meddy

4 6-06-2019 - saa 10:33, Muvunyi Arsène

Urukundo rukomeje gusagamba hagati y’umuhanzi w’umunyarwanda Ngabo Medard [Meddy] n’umukunzi we Mimi Mehifra ukomoka muri Ethiopie.

Aba bombi batuye muri Leta Zunze Ubumwe za Amerika mu muri Texas ari naho bahuriye. Iby’urukundo rwabo byatangiye kwigaragaza cyane ubwo Meddy yakoreshaga uyu mukobwa mu mashsuho y’indirimbo ye yise “Ntawamusimbura.”

Batangiye babihishasha ariko biza kurangira beruye ko bombi bahuje ndetse bajya banyuzamo bagaterana imitoma ku karubanda.

Mu ijoro ryo kuri uyu wa gatatu, Mimi yashyize ifoto ku rubuga rwe rwa Instagram yegamye mu bituza by’umukunzi we yongeraho amagambo agaragaza ko yaguye ahashashe.

Ati “ Nta byishimo bibaho mu buzima nko gukunda, ugakundwa.”

Meddy wamamaye mu ndirimbo yise “Slowly” nawe yanze kwiyumanganya asubiza umukunzi we ati “Gukundwa nawe” ubundi ashyiraho agatima nk’ikimenyetso cy’urukundo.

Meddy n’umukunzi we baherutse kujya kwishimisha muri Mexique mu kirwa cya Isla Mujeres aho bari kumwe n’izindi nshuti zabo.

Mu mpera z’umwaka ushize Meddy yagiye kumwerekana mu muryango ubwo yari yitabiriye igitaramo cya East African Party cyatangiye umwaka wa 2019.

Icyo gihe babanje guca ku ivuko ry’uyu mukobwa Meddy aramutsa abo kwa sebukwe.

Ubwo Meddy aheruka i Kigali yabajijwe ku bivugwa ko yaba abana mu nzu imwe n’uyu mukobwa avuga ko atari byo kandi najya kurongora azakora imihango yose y’ubukwe.

Meddy n'umukunzi we bararyohewe
Meddy ubwo yaririmbiraga i Kigali yerekanye umukunzi we
Umukunzi wa Meddy yamaze kwerekanwa kwa nyirabukwe
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
ndagijimana jean pierre 2019-07-09 00:41:34

This is love ,abakundana ni bahirwe

2
Dumbuli 2019-06-06 10:46:27

Nta gitangaza nubundi urukundo ni ibisazi bituma ureba neza ibyo abandi babona ubundi namuta azashake undi ubusanzwe hari uziritse undi ku gakanu bazatana uko bahuye ubuzima bukomeze ni bakuru nta mwana. reka rero babe baryoshyaho

3
Barakati 2019-06-06 09:44:54

@ vigilant, Ntawe ubibifurije ariko jya ureba iby’abiyerekana winumire, ubwiwe n’iki ko muri icyo gihe azaba ageze cyo kumuta akagenda atazaba ari Meddy utakifuza kugumana na we amufashe mukabuno kuriya ubibona? Wabona Meddy ariwe uzaba yifuza icyamumukiza! Cyangwa ntuzi ko iby’ubu ari gatebegatoki!

4
Vigilant 2019-06-06 04:48:59

Utazi abanya ethiopiakazi arababarirwa abakobwa bo mwihembe ryafurika bigirira imico yubusazi nubundi nyuma yigihe araguta akajya kubana numuhungu bava mugihugu kimwe.

Kwamamaza