IGIHE

Amagambo ashize ivuga! Indirimbo ziririmbirwa umugeni w’i Gicumbi (Amafoto na Video)

2 23-08-2019 - saa 07:47, Akayezu Jean de Dieu

Ku bemera Imana by’umwihariko abakirisitu Gatolika bahamya ko Ugushyingirwa ari rimwe mu masakaramentu ahabwa umukirisitu rimwe mu buzima igihe nta zindi mpinduka zikomeye zibayeho.

Ibirori by’isezerano ryo gushyingirwa akenshi bifatwa nk’imboneka rimwe ku miryango y’abashyingiwe n’abashyingiye dore ko ahenshi aribwo umusore n’umukobwa bemererwa kwitwa umugore n’umugabo ndetse kuva ubwo bakemererwa kubana mu nzu.

Ku munsi w’ibirori abafite amikoro bifashisha imodoka zihenze n’izoroheje mu gutwara abageni n’abitabiriye ibirori gusa mu bice by’icyaro ho usanga biba bitoroshye ari nayo mpamvu usanga bahitamo kugenda n’amaguru ndetse ahenshi ugasanga bagira uburyo bagenda baririmba indirimbo zitandukanye iyo bari ku rugendo.

Uburyo bwo kwizihiza ibirori butandukana akenshi bitewe n’agace cyangwa akarere ba nyiri ukubikora bavukamo cyangwa babarizwamo.

Urugero nko mu bice bitandukanye by’Akarere ka Gicumbi by’umwihariko mu cyaro, usanga ku munsi w’ubukwe umusore abyuka agaherekezwa n’imiryango akajya iwabo w’umukobwa gusaba no gukwa nyuma bakamuha umugeni agahita amufata ukuboko bakerekeza ku rusengero gusezerana imbere y’Imana.

Aha ibijyanye no gusezerana mu mategeko, ibyitwa gutera igikumwe biba byarabaye mbere.

Ahagana saa saba n’igice z’igicamunsi cyo kuri uyu wa Kane tariki 22 Kanama 2019, mu muhanda unyura mu Murenge wa Nyankenke werekeza ku rusengero rwa EAR Paruwasi Rugambwa, byari ibirori n’ibyishimo bidasanzwe ku bari baherekeje Iyamuremye Théophile na Ukobukeye bagiye guhamya isezerano ryabo imbere y’Imana n’abantu.

Iyamuremye na Ukobukeye bari basanzwe babana dore ko banafitanye abana batatu gusa nk’uko abo basengana babibwiye IGIHE ngo iyo bagiye gusezerana bitwa ‘Abagarukiramana’.

Ubwo bari mu muhanda bajya gusezerana bagendaga baririmba indirimbo itangaje aho bagendaga bavuga ngo “Birabaye, birabaye weee... Amagambo ashize ivuga we, birabaye...!

Bamwe mu batashye ubu bukwe babwiye IGIHE ko ari ibisanzwe mu muco wabo ko iyo baherekeje umugeni agiye gushyingirwa cyangwa bagiye guhamya isezerano bagenda bamuririmbira.

Bizimana Aimable utuye mu Mudugudu wa Nturo, Akagari ka Yaramba mu Murenge wa Nyankenke yavuze ko “kuririmba kuriya ni ibyishimo by’ubukwe, kandi ni ibisanzwe mu muco wacu.”

Abaherekeje Iyamuremye na Ukobukeye bari basazwe n'ibyishimo ku munsi w'ubukwe bwabo
Akavumbi kaba gatumuka inyuma yabo
Bagenda mu muhanda baririmba bavuga ko amagambo ashize ivuga ibirori bikaba bibaye
Iyamuremye n'umugore we bari bagaragiwe ku munsi w'ubukwe

Amafoto: Himbaza Pacifique

Video: Kazungu Armand

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
issa /miyove /kwisoko. 2019-08-23 10:35:18

hhhhhhhh, iyo ndirimbo NGO Amagambo ashize ivuga? ahaaaa!! ntibisanzwe. ariko kurundi ruhande ndaba shyigikiye ibigega byabobizahore bisendereye kandi ibiryobyabo bizabone kirya

0787252525

2
kana 2019-08-23 01:20:13

SE UBU IYI COUPLE YABEMEREYE GUSHIRA UBUKWE BWABO MU BINYAMAKURU?????????????????

Kwamamaza