Ibitaravuzwe ku nkuru ndende ’Imvura y’Agahinda’, ivuga urukundo rwa Meya Nambaje

17 8-11-2018 - saa 16:44, Hakizimana Jean Paul

Abahanga bakunze kugereranya urukundo n’indwara ikubuza amahwemo, ndetse Dr Seuss arenzaho ashimangira ko ‘uzamenya ko uri mu rukundo igihe utazasinzira, kuko ibizaba birimo kukubaho birenze kure inzozi nziza ushobora kugira!’

Urwo rukundo ni narwo rwazonze uwari umusore Nambaje Aphrodice, ubu ni Umuyobozi w’Akarere ka Ngoma mu Ntara y’Iburasirazuba, guhera mu 2012. Ibikomere yasigiwe yahisemo kubishyira mu gatabo k’inkuru ndende yise Imvura y’Agahinda, kasohotse mu 2002.

Akenshi buri muntu aba yihariye amateka ye mu rukundo cyane cyane ku byamubabaje, ndetse hari ubwo usanga umuntu atifuza kuganira ku rukundo rwe rwa mbere.

Si ko bimeze kuri Nambaje, kuko ‘Imvura y’Agahinda’ ivuga urukundo rwe kuva ubwo ibishashi byarwo byatangiraga kugurumana yiga mu mashuri yisumbuye. Ni inkuru mpamo nubwo ikoreshwamo andi mazina y’abakinankuru.

Nk’uko yabibwiye IGIHE, ihera ubwo umusore Sibikinisho (niryo zina rikoreshwa mu gatabo aho kuba izina ry’umwanditsi) yakundaga umukobwa Kirezi, bahuriye ku Rwunge rw’amashuri rwa Gahini. Umusore yigaga mu mwaka wa gatandatu naho umukobwa akiga mu wa kane.

Icyo gihe Nambaje yigaga i Gahini mu 1995, ubwo yari asubiyeyo gusoza amashuri yari yahagaritse kubera Jenoside yakorewe Abatutsi mu 1994.

Barakundanye bishyira kera, umuhungu arangiza amashuri yisumbuye ndetse bahita bahamuha akazi, ariko akomeza gukundana na Kirezi (we yari akiri umunyeshuri).

Nyuma imiryango y’iwabo w’umukobwa ntiyishimiye umusore Sibikinisho (Nambaje) bashingiye ku moko no kuba uwo musore akomoka mu Gisaka kandi akaba n’umukene.

Kuko bakundanaga bizira uburyarya, bagerageje kwirwanaho ariko imiryango y’iwabo w’umukobwa irabirwanya. Umukobwa yanagerageje gutoroka ajya muri Uganda, ariko ubuzima bumunaniye aragaruka.

Ababyeyi be baje kumushyingira undi musore wari ufite amafaranga menshi nk’uko iwabo wa Kirezi babyifuzaga.

Nambaje yabuze uwo yakunze, ariko uwo Kirezi asanze aramubabaza cyane akajya amuca inyuma, aza no gupfa yishwe n’indaya, amusigana umwana w’uruhinja kandi amwanduje virusi itera Sida.

Uwo mwana nawe yaje kwitaba Imana, Kirezi asigara aho mu buzima bubi yatewe no gushakana n’uwo ababyeyi bamutegetse nyamara yari afite uwo yihebeye, ariko ntibishoboke ko babana kubera amahitamo y’ababyeyi.

Nubwo usoma ukumva ari inkuru ibabaje, nibwo buzima Nambaje yanyuzemo mu busore bwe nubwo ibyo yabirenze, akareba imbere.

Yaje gukunda undi mukobwa ndetse bashyingiranywe mu 2007, ubu bafitanye abana batanu.

Nambaje avuga ko yahisemo ibyo byose kubishyira mu gatabo agamije kugira inama ababyeyi bashyingira abana babo abo babahitiyemo, aho kuba abo bikundira.

Ibyo ariko byatizwaga imbaraga n’impano y’ubuhanzi yifitemo. Uwo yakundaga mbere aracyariho nubwo buri wese yaciye iye nzira, ndetse ngo baravugana cyane.

Ati “Ikindi nakubwira ni uko nyuma yo gupfusha umugabo yashatse undi mugabo atuye mu Gatsata, imiryango yacu irasurana nta kibazo.”

Iyo nkuru ye yaranakunzwe cyane, ndetse biragoye ko hari ababyirutse muri iyo myaka batayisomye.

Gahoro gahoro, ishavu ryashibutsemo ibyishimo

Nambaje avuga ko yatekereje uko inkuru ye yayibyazamo ikinamico, ariko ubushobozi bukamubera inzitizi.

Ati "Mu 2008 nibwo amata yabyaye amavuta, Radiyo Izuba ifatanyije na Minisiteri y’ubuzima batanga itangazo ko bifuza abanditsi b’ikinamico izajya ica kuri Radiyo Izuba, ishingiye ku kwigisha abanyarwanda kugira isuku, birinda Sida, malariya ndetse n’izindi ndwara.”

“Mu bantu 12 twahiganwaga ikinamico yanjye niyo yabaye iya mbere yitwa ‘Rinda iwabo w’abantu barugarijwe’. Nayikoze nshingiye kuri ya nkuru ndende yanjye."

Icyo gihe yashatse abakinnyi beza ashinga Itorero ryitwa ‘Imirasire y’Umucyo’, bakora uduce 54 twatambutse kuri Radiyo Izuba mu gihe cy’umwaka wose.

Ni ikinamico yakunzwe cyane n’abumva Radiyo Izuba, ndetse icyo gihe Minisiteri y’Ubuzima yamuhembye miliyoni 15 Frw nka nyir’igihangano, akuramo miliyoni umunani ahemba abakinnyi bamufashije, nawe asigarana miliyoni 7 Frw.

Ati “Wibaze umuntu wari umwarimu mu mashuri yisumbuye, wacikishirije amashuri muri kaminuza, akaba abonye miliyoni zirindwi! Ikindi noneho nari maze igihe gito nkoze ubukwe."

"Nta kindi nayakoresheje rero uretse kuyagura inzu, ndayivugurura neza n’ubu nyituyemo mbikesha igihangano ‘Imvura y’Agahinda’.”

Icyo gihe Nambaje yanakoraga kuri Radio Izuba, kuko kuva mu 2006 kugeza mu 2012 yakoraga ikiganiro cy’amateka cyabaga nijoro.

Ni isomo ku babyeyi bivanga mu rukundo rw’abana

Nyuma y’ubuzima bw’urukundo Nambaje yanyuzemo, avuga ko hari isomo ababyeyi bakwiye kuvanamo ryo kureka umwana akabana n’uwo umutima we wakunze.

Nyamara bijyanye n’amateka u Rwanda rwanyuzemo, hari ababyeyi bacyivanga mu rukundo rw’abana babo kubera amoko, nk’ibiheruka kuvugwa mu Karere ka Rubavu.

Nambaje ati “Ntabwo navuga ngo ababyeyi bajye kure y’urukundo rw’abana babo, ariko nabasaba guha umwanya abana babo mu gihe bakuze, bakigirira amahitamo yabo kuko iyo umuhitiyemo hari igihe bimugiraho igaruka mu buzima buri imbere.”

“Mu gihe umwana azanye uwo bakundana ntibakavuge ngo turamwanze kubera ari igikara, ntiduhuje ubwoko, ni umukene […] ahubwo babashyigikire babagire inama.”

Uretse iyi nkuru Nambaje yanditse, afite na filime yakinanye na mama we yise “Urugendo rw’Ubuzima bwanjye”, n’ibindi bitabo birimo Imizi y’urukundo, Jya mu bandi, Byageze iwarurimbi (Insigamugani) n’ibindi.

Aka gatabo hari benshi bagasomye nyuma ya 2002
Ni agatabo kasohokeye mu yari Kaminuza Nkuru y'u Rwanda
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2  

1
bc 2018-11-10 02:13:17

m esther,shyiraho numero yawe

2
Igihugu 2018-11-09 22:38:01

Uwiyise #Bobu ari serious cyangwa ni ikigarasha! Ubu se niba hari abishwe n abagabo babo, ntabarokotse ahubwo kubera abagabo babo?! Ntugashyire abantu bose mu gatebo kamwe. Igihugu cyarababaye yego, ariko ingengabitekerezo y’amoko uyirambike hasi. Ubu twese turi abanyarwanda, kandi twamaze kujanjagura iyo ndorerwamo twahawe n’abakoloni. Ibyo uvuga rero ntibiteze gushoboka, kuko kuva 1994 ubwaho, abantu bagize ubutwari bwo kwiyunga, bwagiye bugaragarira no mu gushyingirana, kandi n’ubu birakomeje. Niba uri ikigarasha rero, ntuze kutuyobya!

3
Francois 2018-11-09 03:35:07

Mayor rwose akomereze aho kuko ubuhanzi yifitemo bugaragarira Bose.

4
Rutikanga 2018-11-08 21:50:33

people from Ngoma,we love this man.

5
Ester humura 2018-11-08 15:42:37

Sha humura uzamubona
Buriya bariya bose bubatse bameze neza or nabi
Ntawutarahuye ni ikigeragezo mu rukundo
Kuko kugirango urukundo rukura hagomba kubaho
Ikirugura cyo
Reka nguhe urugero
Ntuzi ururabo rwa Rosé
Ntuzi ukuntu ari rwiza cyane
Twaba urwera, umutuku, roza or beige
Burya nujya mu murima waho bazihunga
Uzasanga zitera ku mashwa yigiti iyo gikuze
Kibyara ururabo rwiza rwitwa rosé
Rukundwa kwisi hose rukora bouquet za abageni
Uzibaze uburyo zisarurwa nariya mashwa????
Uzibaze uko zikura murariya mashwa ariko zigakunda zikaba nziza
Bivuzengo ubundi urukundo ni ihwa ariko ukamenya uburyo ritakujomba
Umugabo wawe abana bawe aumukunxi wawe
Bose na amahwa nka cya hihi cya Rosé wasarura neza ntirikujombe ryanakujomba ukivuza
Ariko ukagumana iroza ryawe
Ngaho Aho bavugako urukundo ari ihwa
Ni rya hwa rya Rosé
Muri byose tube ishema ryiza

6
Bwandagara 2018-11-08 15:08:34

Ni byo koko nanjye ndabizi
izo kinamico nanjye nazikinnyemo
Ni umuhanzi kandi yagiye afasha urubyiruko rwa Ngoma
Courage kbs

7
ruto 2018-11-08 14:59:05

uzaze nduguhe kuko njyewe ndarufite kd nkumaremo iryoyicarubozo bagukoreye

8
Nteze 2018-11-08 13:42:13

Nambaje Aphrodice ndamuzi neza, twiganye i gahini, na Kirezi ndamuzi rwose. Iyi nkuru niyo..Yari umuntu w’umugabo kamdi azi ubwenge. Kirzi yari umwana mwiza urangwa n’urukundo, yakundwaga n,abantu bose...Baca umugani mu kinyarwanda ngo "icyawe ntaho kijya" iyo kigiye kiba atari icyawe ubwo. Naho ubundi urukundo ntirugira ubwoko, et puis ushobor kwima umwana umugabo umukunda ukamushyingira kabutindi nkuko Nambaje abivuga.

9
Bobu 2018-11-08 13:22:27

Ibyo by ababyeyi byo rwose bagomba kubyivangamo.abagirimana bakaba bakibafite rwose mujye mubumvira burya bababwira ibyo bazi.ariko mutirengagije murambwira umubyeyi washyingiye mubo badahuje bakamumaraho urubyaro akagira Imana akarokokana na kamwe gato uyu munsi urambwira ko akabujije gushaka muri ubwo bwoko yaba akosheje?sha musigeho gukina ababyeyi ku mubyimba,njye sinkibagira ariko rwose iyo baba bakiriho bakambwira bati sigaho wishakana n uyu rwose nabumvira,ariko uzi gushaka uwo umuryango wawe utishimira?ni agahinda mu kandi.rwose njye iby ingirwamoko ubu byabaye amoko rwose kuko amaraso yaramenwe iyi bitaza kuba uko uyu munsi rwose ntituba tubyumva kuko mu Rwanda rwo hambere ntabyari bihari kuko nyine nta muturage wadukiriye mugenzi we ngo amwice kubera uko asa,nta mugore cg umugabo wishe uwo bashakanye kubera uko asa,nta mwana wishe nyina kubera uko asa ariko uyu munsi wa none amateka yariyanditse amaraso yaramenetse ibintu byabaye ibindi,rwose nanjye sinabishyigikira ko umwana wanjye ashakana n abamazeho umuryango niko biri kandi nta cyaha kuko n Imana irabibona yarabibonye uko abo dusangiye gakondo batwadukiriye.binyibukije ibkuru yo muri bibiliya ababyenyamini bashyamirana n andi moko y abisiraheli maze ayo moko afata umwanzuro ko batazigera bongera kubashyingira abakobwa babo ndetse n abahungu babo batazashaka abakobwa babo niko byagenze da.rero burya iyo amaraso amenetse biba birangiye ikizere uba ugitaye kandi kutizera umuntu nta cyaha kirimo kandi uta ikizere ku bw ibyo yakweretse,nanjye rwose ndashimangira ko nta gushakana n abakumazeho abawe,ahubwo ugomba gushakana na bene wanyu mukongera mukororoka burya iyo ufite abo muhuje amateka murwanira hamwe urugamba rukoroha kuburyo nta n abanzi banyu batinya kongera kubarwanya.urukundo ni mu mutwe kuko ibyiyumvo rimwe birashira ubundi bikaza gutyo gutyo ariko urukundo ruraguma,abo bose bashakanye badahuje mbere 1994 ntibari baziko abo bashakanye aribo bazabiyicira ariko igihe cyarageze biraba da,rero rwose abiga isomo bige kuko burya nta hazaza haba hashya ahubwo ni ahashize hahora hisubiramo iyo rero uzi ubwenge wirinda ko ahashize hakwisubiramo ukirinda gukora ibyakozwe mbere.

10
Ndahimana daniel muna uganda 2018-11-08 13:00:04

Wowe M, ESITERI, Weho akawenakahesira? Wazagashyize ahagaragara? Nonesi kushaka umukunzi kandi mpari? Ahhaaa , igihe.com inkuruzanyu turazikunda hano I Kampala .

Paji: 1 | 2  

Kwamamaza