IGIHE

Ange Kagame yasoje Master’s muri Kaminuza ya Columbia (Amafoto)

23 20-05-2019 - saa 15:04, Rabbi Malo Umucunguzi

Ubuheta bwa Perezida Paul Kagame, Ange Ingabire Kagame, yasoje amasomo y’icyiciro cya gatatu cya kaminuza (Master’s) mu ishuri rya Kaminuza ya Columbia ryigisha iby’imibanire n’amahanga n’imiyoborere, School of International and Public Affairs, SIPA.

Ibi birori byabaye kuri iki Cyumweru kuri kaminuza ya Columbia i New York, ndetse mu nshuti n’imiryango y’abasoje amasomo harimo na Perezida Paul Kagame wari wagiye gushyigikira umukobwa we.

Cory Way ushinzwe ibirebana n’abanyeshuri muri SIPA, yavuze ko ari ibyishimo bikomeye kuba iri shuri rigiye gutanga impamyabumenyi ku banyeshuri b’abanyamurava b’umwaka wa 2019.

Yabwiye abanyeshuri ko yizeye ko nyuma yo kuva muri Columbia, bazakoresha ibyo bize mu gukorera abaturage no kuyobora “no gutuma aho mutuye, ibihugu byanyu n’Isi biba ahantu heza. Tunizera ko muzakomeza kuvugana natwe hano muri SIPA, mugakomeza kuba mu muryango wacu.”

Umuyobozi wa SIPA, Merit E Janow, yashimiye abarangije amasomo n’imiryango yabaherekeje, aha ikaze abanyacyubahiro barimo Perezida Paul Kagame n’umuryango we, hamwe na Komiseri mu Muryango w’Abibumbye, Michelle Bachelet wanayoboye Chili.

Yavuze ko umunsi wo gusoza amasomo aba ari iherezo n’intangiriro. Ni iherezo kuko ushyira akadomo ku minsi umuntu aba amaze mu ishuri muri SIPA na Columbia, ukaba n’intangiriro kubera ko aba yinjiye mu bundi buzima hari n’imirimo imutegereje.

Ati “Twizera ko igihe cyanyu hano cyabaye icyo kwiga bizana impinduka kandi ko mwumva cyangwa muzabona ko SIPA yabahaye ibikenewe, ubumenyi no kubasha kuba muri iyi Si ihindagurika, Isi yuzuye amahirwe n’ibidasanzwe. Uyu munsi muri 802 baturuka mu bihugu 78, birashimishije cyane. Ndizera kandi ko mwahindutse abashobora gusesengura bafite ibyo bashingiyeho mu gihugu, babasha kwitegereza kandi ibitekerezo byanyu byafungutse kandi bikaguka.”

Yavuze ko bafite inshingano yo gutekereza ku bibazo, ibisubizo na gahunda zikenewe ku nzego zose haba mu guteza imbere imiyoborere y’imijyi, ibihugu, cyangwa ibigo, kandi ko ibisubizo bigomba kwishakwamo.

Yavuze ko mu nzego zibandwaho cyane muri SIPA harimo guhindura imibereho y’abaturage, kuzahura ubukungu, kurandura ubukene, guhangana n’ibiza, gukemura amakimbirane, gukemura imvururu za politiki n’ibindi, bityo na bo bagomba kubigaragazamo itandukaniro.

Muri iki gikorwa hanabaye umuhango wo gushimira abanyeshuri bahize abandi mu masomo ndetse n’abarimu bahawe amanota menshi n’abanyeshuri.

Ange Kagame abonye impamyabumenyi yiyongera ku y’icyiciro kibanza cya kaminuza yakuye muri Smith College mu bijyanye n’ubumenyi mu bya politiki nyuma yo kwiga Green Hills na Dana Hall School.

Byari ibyishimo bikomeye kuri Ange Kagame nyuma yo guhabwa impamyabumenyi y'icyiciro cya gatatu cya Kaminuza
Abahawe impamyabumenyi baturuka mu bihugu 78 byo hirya no hino ku Isi
Ibi birori byabaye kuri iki Cyumweru kuri Kaminuza ya Columbia i New York
Muri iki gikorwa hanabaye umuhango wo gushimira abanyeshuri bahize abandi n’abarimu
Abanyeshuri 802 nibo bahawe impamyabumenyi muri Kaminuza ya Columbia
Kwamamaza
Kwamamaza

Izindi nkuru wasoma

223 3 6-06-2019
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2 | 3  

1
MJ 2019-05-28 07:48:58

kwiga ntako bisa igihe cyose umuntu afite ubushobozi komereza aho azashoboka yose uzayige, uri urugero rwiza ku Bari n’abategarugori b’i Rwanda.

2
Me Nzitatira Mbonyinkebe Nicod 2019-05-27 12:53:19

congretulation to ange Ingabire Kagame

3
Jus 2019-05-22 06:50:23

Gushaka ni ugushobora .congz mukobwa mwiza.amahirwe. masa

4
umulisa 2019-05-22 04:37:36

ntabwo yibeshye umwana wakabiri bamwita ubuheta naho uwambere bakamwita uburiza

5
Rugazora 2019-05-21 08:20:55

Felexon wibeshye, umwana wa mbere bamwita imfura, uwa kabiri bakamwita ubuheta.

6
Akariza marie 2019-05-21 04:07:29

lmana igiguha umugisha , nkukundira buryoki ururugero rwiza abari burwanda , iyaba bakureberagaho umuco wasugira , kuko ntawurakumva wiyandaritse cq wambaye ubusa , urumukobwa ushishoza kdi ugaragara nkureba kure cyane, mubyukuri biragaragaza uburere uhabwa, kdi unagaragara nkuwicisha bugufi ababyeyi bawe baribyaye pe, hahirwa ishuti zawe ko ururugero rwiza , kuko icyubahiro nizina ufite harababigira bakaba indakoreka bagahora bafite sujet mbi mubinyamakuru, ariko wowe uririnda muri byose courage, kdi dutegereza nyije amatsiko ibirori byawe hano mubinyamakuru kuko ntitwabitaha kugera ibwami bihira bake ariko tukwifuriza ibyiza , uzabyare uheke nicyo tukwifurije

7
Mwalimu 2019-05-21 03:44:11

Felexon menya gutandukanya Imfura n’Ubuheta nibwo uzaba wamenye Ikinyarwanda.

8
felexon 2019-05-21 01:18:54

mushobora kuba mwibeshye kuko mwamwise ubuheta kandi nziko ubuheta ari umwana wambere ,
Ange Kagame akaba ari umwana wa kabili wa nyakubahwa Paul Kagame

9
Robert Runazi 2019-05-21 00:10:25

Great to have our very own graduating from Columbia Uni. You make us proud!

10
Frederic 2019-05-20 22:11:10

Congz to Ange Kagaame

Paji: 1 | 2 | 3  

Kwamamaza