IGIHE

Verbena, izina ry’umukobwa wifitemo impano yo kuyobora ibirori

0 3-10-2019 - saa 08:19, Ndayikunda Josué

Verbena ni izina rihabwa abana b’abakobwa rifite inkomoko mu rurimi rw’Ikilatini risobanura ngo “Igihingwa gitagatifu.”

Verbena ni izina rihabwa umwana w’intyoza mu gushyushya urugamba no kuyobora ibirori. Bagira amagambo meza ku bantu baba bari kumwe n’ababakikije.

-  Ibiranga ba Verbena

Ni abantu bakunda kwihagararaho kabone niyo byabashyira mu kaga birengera ingaruka. Bagira amakenga menshi iyo barimo guhitamo inshuti zabo. Bakunda kwigirira icyizere cyane.

Ba Verbena ntibacibwa intege nibyo abantu bababwira cyangwa babatekerezaho. Ntibakangwa n’ikintu icyo aricyo cyose kibabayeho.

Verbena ashobora kurakara cyangwa akaba yishimye ariko ntubitahure kuko bigoye kumenya amarangamutima ye.

Gufata ibyemezo kuri ba Verbena biba bigoye ku buryo no guhitamo icyo barya bitizana ako kanya. Bagira gushidikanya cyane mbere yo kugira icyo bakora. Bagira impano yo kumenya ibintu cyangwa kubikeka mbere yuko biba.

Akenshi usanga abakobwa bitwa ba Verbena bagorwa cyane no kwakira impinduka.

Urwego rw’imitekerereze rwa ba Verbena ruri hejuru cyane ku buryo na bagenzi babo babana umunsi ku munsi baba babibaziho.

Ba Verbena bakunda guhagarara ku nshingano biyemeje ku buryo bashobora no kuzitangira ariko zikajya mu buryo bitewe n’umuhate bashyizemo.

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Nta gitekerezo kirajyaho. Ba uwa mbere!  

Kwamamaza