Rugangura, izina risobanura intwari itiza ingabo umurindi

0 13-02-2018 - saa 07:20, IGIHE

Rugangura ni izina ry’abagabo ariko ry’impine y’izina Rugangurangabo.

Ibisobanuro byimbitse

Rugangura rituruka ku nshinga kuganguura. Iyi nshinga ni ikinyuranyo cy’inshinga kugangarara bivuga guhagarara ukanga kuva aho uri haba ku bushake cyangwa by’agasuzuguro. Hari no kugangarara bivuga kudatirimuka byo kunanirwa.

Kugangura byo rero ari naho izina Rugangura rituruka bivuga kwiyongeramo umurego igihe imbaraga zari zishize.

Ingangura ni intwari yiyongeramo umurego aho abandi bananiwe, ikabatiza ishyaka no kwiminjiramo agafu bagatsimbura umwanzi.

Rwabugiri yari afite ingabo zitwa Ingangurarugo twagereranya n’abasirikare barinda Perezida muri iki gihe.

Ingangurarugo zari ingabo z’intwari by’umwihariko za Rwabugiri. Uzw’icyane waziyoboraga ni Bisangwa bya Rugombituri.

Umwanzuro

Rugangura ni intwari itiza ingabo umurindi. Ni intwari itera mbere y’izindi.

Ibi bisobanuro byatanzwe n’Inteko Nyarwanda y’Ururimi n’Umuco RALC

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Nta gitekerezo kirajyaho. Ba uwa mbere!  

Kwamamaza